Жарияланған күні: · Өзгертілген күні:
Мектеп-лицейдің тақырыбы
«Жаңартылған білім мазмұны жағдайында білім беру сапасы мен педагогикалық технологияларды жетілдіру».
Мақсаты: оңтайлы дамытушы білім беру ортасын құру және бәсекеге қабілетті тұлғаны қалыптастыру.
Міндеті: оқу және факультатив сабақтарында инновациялық білім беру технологияларын қолдану арқылы оқушылардың білім сапасын арттыру жұмысын жалғастыру.
Әдістемелік жұмыс
Әдістемелік тақырыбы: «Жаңартылған білім мазмұны жағдайында оқушыларға білім беру мен тәрбиелеу сапасына қол жеткізу факторы ретінде педагогтардың кәсіби құзыреттіліктерін дамыту».
Ұжым жұмыс істеп жатқан мәселе: «Функционалдық сауаттылық — білім беру сапасын дамытудағы негізгі басымдық».
Мақсаты: жалпыадамзаттық құндылықтар негізінде тұлғаны тәрбиелеуге және оқытуға бағытталған инновациялық технологияларды тәжірибеге енгізу арқылы мұғалімдердің педагогикалық шеберлігін жетілдіру.
Негізгі міндеттері:
- оқушылардың функционалдық сауаттылығы мен түйінді дағдыларын қалыптастыратын технологияларды енгізу, қауіпсіз әрі жайлы ортаны қамтамасыз ету;
- басқару құрылымын, білім беру табыстылығы мен педагогтардың кәсіби дамуын бақылау және диагностикалау жүйесін жетілдіру;
- ақпараттық технологиялар мен интернет-ресурстарды пайдалану аясын кеңейту;
- озық педагогикалық тәжірибені, оның ішінде үш тілде білім беру тәжірибесін анықтау, қорыту және тарату, жас әрі жаңадан келген мамандарды қолдау;
- дарынды балаларды анықтау, қолдау және оқудың бүкіл кезеңінде сүйемелдеу;
- педагог кадрлардың аттестаттауын ұйымдастыру және сүйемелдеу;
- білім мазмұнын жетілдіру арқылы оқыту сапасын арттыру;
- педагогтардың кәсіби байқауларға, қалалық және облыстық семинарларға қатысуын қолдау.
Тәрбиенің мақсаты мен міндеттері
Тәрбие жұмысы қазақ халқының ұлттық және жалпыадамзаттық құндылықтарына негізделген «Біртұтас тәрбие бағдарламасына» сүйенеді.
Мақсаты: жалпыадамзаттық және ұлттық құндылықтар негізінде еңбекқор, адал, саналы, жасампаз азамат тәрбиелеу.
Міндеттері:
- ата-ана мен үлкендерді сыйлауды, отбасы берекесін бағалауды және отбасы алдындағы міндеттерді лайықты орындауды қалыптастыру;
- мейірімділік, ар-намыс, ождан, қадір-қасиет, жауапкершілік, қамқорлық пен әділдік сезімін, еңбексүйгіштік пен құқықтық мәдениетті дарыту;
- ұлттық құндылықты қастерлеу, қазақ тілі мен ұлттық рәміздерді құрметтеу, бейбітшілік пен келісімді, ұлт бірлігін сақтау, патриотизмді тәрбиелеу;
- денсаулықты және салауатты өмір салтын, ой тазалығы мен эмоциялық тұрақтылықты бағалау.
Тәрбие жұмысының жоспары құрылған үш құндылық
- Ұлттық мүдде — Қазақстанның мемлекеттігін нығайтуға қатысу, ұлттық мүддеге қызмет етуге және ел қауіпсіздігін қамтамасыз етуге дайын болу, ұлттық мұраны қастерлеу, қазақ тілінің қолданыс аясын кеңейту.
- Ар-ұят — академиялық адалдық, моральдық нормаларды сақтау, адал еңбекті құрметтеу, отбасы, сынып, мектеп, қоғам және ел алдындағы жауапкершілік.
- Талап — сын тұрғысынан және шығармашылықпен ойлауды үйрену.
Тәрбие жұмысының нәтижесін қалай бағалаймыз
- оқушылар мен олардың ата-аналарының мектеп өміріне қанағаттануы;
- оқушылардың қорғалуы мен жайлылығы;
- мектептегі және сыныптағы қарым-қатынас сипаты;
- оқушылардың әлеуетін іске асыруға жағдай жасалуы.